PHTN Energy is ’n gevestigde sonkrag-energie maatskappy wat kommersiële sonkraginstallasies besit en bedryf en elektrisiteit aan kliënte verskaf ingevolge langtermyn Power Purchase Agreements (PPA’s). Die huidige portefeulje bestaan uit 10 aktiewe sonkragprojekte, wat herhalende kontraktuele inkomste genereer met jaarlikse tarief-eskalasies van hoofsaaklik 9%–10%. Die oorspronklike kontrakte strek oor tydperke van tot 10 jaar, wat PHTN van voorspelbare en groeiende langtermyn-kontantvloei voorsien.

Die portefeulje is tans ten volle skuldvry, met alle vorige rentedraende finansiering vereffen. Op grond van die oorblywende gekontrakteerde PPA-kontantvloei, kontraktuele uitkoopwaardes en bedryfskoste, word die huidige bestuurswaardasie van die portefeulje op ongeveer R4,2 miljoen geraam. Die waardasie volg ’n verdiskonteerde kontantvloei-benadering soortgelyk aan die metodologie wat voorheen deur Kreston Pretoria toegepas is. Kreston het die oorspronklike portefeulje se toekomstige verdienste oor die gekontrakteerde tydperke verdiskonteer om die huidige waarde daarvan te bepaal. 

​

• R55 456 Huidige Maandelikse PPA-inkomste

• 9%–10% Jaarlikse PPA-eskalasie

• 10 Aktiewe Sonkragprojekte

• R0 Rentedraende Skuld

• ±R4 200 000 Huidige Bestuurswaardasie