Oor Ons
Afri-Aandele® is 'n geregistreerde handelsmerk en handelsnaam van Renewable by Nature Capital (RF) Bpk. Afri-Aandele is nie 'n afsonderlike regspersoon nie. Alle finansiële dienste wat deur die Afri-Aandele-platform gelewer word, word deur Renewable by Nature Capital (RF) Bpk. gelewer, Registrasienommer 2018/383003/06, 'n ongenoteerde openbare maatskappy wat ingevolge die wette van die Republiek van Suid-Afrika geïnkorporeer is.
Renewable by Nature Capital (RF) Bpk. is 'n gemagtigde Finansiële Diensteverskaffer (FSP Nr. 49781) en lewer finansiële dienste binne die omvang van sy FSP-lisensie.
Handelsadres: 302 Aquila Laan, Waterkloof Ridge, Pretoria, 0181.
Sleutel Indiwidu: Pieter Botes
Kontak Nommer: 066 040 6059
Magtiging deur die Finansiële Sektor Gedragsowerheid (FSCA) impliseer nie dat enige belegging deur die FSCA goedgekeur of onderskryf is nie, en bied geen waarborg ten opsigte van die prestasie van enige belegging of die behoud van kapitaal nie.
Tensy anders vermeld in die toepaslike beleggingsdokumentasie, verkry beleggers B–Z gewone aandele in Renewable by Nature Capital (RF) Bpk. Die regte, verpligtinge en voorwaardes verbonde aan sodanige aandele word volledig uiteengesit in die toepaslike aanbiedingsdokumente en regsdokumentasie wat vir elke belegging beskikbaar gestel word.
Geheime Resep:
Die span agter Afri-Aandele beskik oor jare se tegniese ervaring in
- Finansiële Dienste
- Landbou
- Eiendoms bestuur
Die resultaat is 'n moderne, deursigtige benadering tot kapitaalstrukture en risiko-bestuur.
Ons Missie en Impak:
Met ’n sterk fokus op volhoubaarheid, verantwoordelike bestuur en etiese beleggingspraktyke, skep ons ’n ruimte waar kapitaal nie net opgegaar word nie, maar werksgeleenthede, groei en trots bevorder.
Ons doel is eenvoudig: om belegging weer betekenisvol te maak – en mense toe te rus om deel te wees van die groei wat hulle self help bou.
Ons glo dat elke belegger die reg het tot volledige beheer en vryheid van keuse oor waar en hoe hul kapitaal groei. Ons platform stel jou in staat om direkte toegang tot werklike bates te kry – van landbou en eiendom tot energie en tegnologie – met projekte wat waarde skep binne ons eie gemeenskappe.
